“Burrë në moshë që baltos cilindo”, Bardhi i përgjigjet Spahos

Vijojnë përplasjet dhe replikat mes zyrtarëve në PD, të pozicionuar pro dhe kundër Foltores së ish-Kryeministrit Sali Berisha.

E ndërsa deputeti Edmond Spaho ka ironizuar kreun demokrat Lulzim Basha se ka mbetur brenda zyrës së tij me Gazin e botës, Sekretari i Përgjithshëm, Gazment Bardhi, ka reaguar ndaj ish-nënkryetarit të Partisë Demokratike

Bardhi në një intervstë për Oranews thotë se Spaho po ndjek strategji të gabuar që nuk e çojnë askund PD.

“Nuk më keni dëgjuar kurrë të etiketoj askënd që mendon ndryshe dhe nuk do më dëgjoni kurrë. Ka kolegë që kanë marrë si mision të baltosin cilindo që mendon ndryshe prej tyre, dhe pse janë pakicë i lejojnë vetes të baltosin cilindo.

LEXO EDHE  Berisha ‘non-grata’/ Paloka tregon se çfarë i ka thënë Lulzim Bashës në zyrë

Ndjej keqardhje që këtë mision është duke e kryer me flamur në dorë ish-nënkryetari i partisë, një burrë në moshë, intelektual që ka marrë përsipër të fyejë, të baltosë cilindo që mendon ndryshe prej tij. Deri dje kur zoti Spaho ishte kryetar partie gjithçka ishte në rregull në PD, Lulzim Basha ishte më i miri.

Sot që Spaho nuk është më nënkyetar i Partisë Demokratike ka marrë mision për të baltosur kryetarin e partisë, sekretarin e Përgjithshëm, deputetët, nënkryetarët e partisë, pra cilindo që mendon ndryshe prej tij. Ku na çon ne kjo rrugë?”, shprehet Bardhi.