“Ik o mjeran, jep dorëheqjen, ne jemi parti e dinjitetit njerëzor, ik dhe ik sa më shpejt”, iu drejtua nga Librazhdi, ish-Kryeministri Sali Berisha, kreut demokrat Lulzim Basha.
Duke e cilësuar peng-Kryetar, Berisha tha se Basha nuk kishte agjendë si të fitonte PD, por si të bëhej lider, që nuk u bë dot kurrë.
“Lulzim Basha mendoi se do të bëhej lider duke shkuar nëpër Shqipëri vetëm, i pa shoqëruar nga askush. Mendoi se do të bëhej lider, ndërsa sot rri në zyrë i mbyllur mes 4 mureve dhe nuk takon askënd.
Basha, peng-kryetari, i shkolluar në perëndim, nuk njeh asnjë rregull moral, nuk njeh asnjë ligj, nuk njeh as statutin e partisë,, duke shkelmuar çdo parim të PD dhe programit të saj, shkelmon çdo forum të PD. Për të nuk ekziston as Këshilli Kombëtar as Kuvendi Kombëtar? Basha do të ishte kryeministri më i rrezikshëm nëse do të instalohej në atë post”, tha Berisha.
