Ish-Kryeministri Sali Berisha nga Librazhdi u shpreh se sot Lulzim Basha, peng-kryetari, ka njftuar një vizitë në SHBA.
Por Berisha tha se edhe Saimir Tahiri shkoi në Shtëpinë e Bardhë duke pasur në kurriz dosjen Habilaj, që sot po shëtit nga Gjykata në Gjykatë, ndërsa Lulzim Basha ka dy dosje, atë të Nick Muzin dhe Toyota Yaris.
“Sot tha se do të shkojë në SHBA. Ti shkon aty jo me 1, por me 2 dosje po kaq të rënda, me dosjen ‘Muzin’ dhe ‘Toyota Yaris’. Këtë të dytën e ndan me Taulant Ballën, ua them unë. Tre vite më parë do nisej në SHBA, por nuk shkoi, do arrestohej thanë. Dosja ‘Muzin’ është e nxehtë për peng Bashën. Edhe Tahiri shkoi me dosjen Habilaj por ja tek është nga gjykata në gjykatë”, deklaroi ish-kryeministri.
Në vijim ai iu përgjigj deklaratave të Bashës, sipas të cilit me Foltoren kanë lidhje kriminelët.
“Po i them sot Lulzim Bashës, unë kam denoncuar në facebookun tim, 26 herë Suel Çelën, ndërsa Basha më merrte në telefon dhe më thoshte aman mos e përmend emrin e tij. Merrni tabulatet telefonike dhe shikoni se çfarë më thoshtë Basha për Suel Çelën”, tha Berisha.
