Tirana-Dinamo/ Bardheblutë rikuperojnë dy gola, çerekfinalistja vendoset në shtesë

Koha e rregullt mes Tiranës dhe Dinamos është mbyllur 2-0 në favor të bardhebluve. Skuadra e drejtuar nga Orges Shehi ka rikuperuar dy gola nga ajo humbje me të njëjtin rezultat dy javë më parë duke rihapur plotësisht çështjen e kualifikimit.

Në sfidën që po zhvillohet ditën e sotme, fillimisht bardheblutë shënuan në minutën e 36-të me anë të Gjumsi-t. Pas një harkimi nga e majta të Seferit, topi shkon te Gjumsi në shtyllën e dytë dhe pasi ai kontrollon topin, lëshon një gjuajtje të pakapshme për Bakajn.

LEXO EDHE  FOTO/ Nuk e fitoi betejën me sëmundjen e rëndë, ndërron jetë ish-sulmuesi i Liverpool

Ndërkohë në minutën e 78-të të pjesës së dytë, Tirana dyfishon shifrat, pas penalltisë së gjuajtur saktësisht nga Limaj.

Tashmë, çerekfinalistja e fundit e Kupës së Shqipërisë do të përcaktohet pas kohës shtesë ose nëse do të jetë e nevojshme pas goditjeve të 11-metërshave.