Qeveria plan kombëtar 7-vjeçar për mbështetjen e personave LGBTI+

Këshilli i Ministrave ka miratuar në mbledhjen e fundit një plan kombëtar 7-vjeçar në mbështetje të personave LGBTI+.

Lajmi është bërë i ditur nga ministrja Manastirliu, e cila theksoi se në bazë të këtij plani do të luftohet diskriminimi, si dhe do të garantohet akses për këta persona në të gjitha shërbimet publike.

“Është miratuar plani kombëtar për mbështetjen e personave LGBTI+, i hartuar në bashkëpunim të ngushtë me të gjithë aktorët e shoqërisë civile. Ky është një plan veprimi 7-vjeçar, 2021-2027, i cili e vendos theksin te lufta kundër diskriminimit dhe që garanton aksesin e personave LGBTI+ në arsimim, shëndetësi, të gjitha shërbimet publike. Kjo do të bëhet e mundur në sajë të një buxheti specifik të vendosur nga qeveria shqiptare, por edhe në mbështetje me partnerët ndërkombëtarë”, tha Manastirliu pas mbledhjes së Qeverisë.

LEXO EDHE  Dëborë, rrebeshe shiu dhe rrufe/ Parashikimi i motit për orët në vijim