Komisioni i Veprimtarisë Prodhuese miraton 2 ndryshime në buxhetin 2022

Komisioni i Kuvendit për Veprimtarinë Prodhuese, Tregtinë dhe Mjedisin, shqyrtoi dhe miratoi në tërësi projektbuxhetin e vitit 2022, me dy ndryshime për ministritë e Turizmit dhe atë të Infrastrukturës.

Komisioni votoi pro propozimeve të Ministrisë së Infrastrukturës dhe Energjetikës, për t’ia kaluar si propozim Komisionit të Ekonomisë dhe Financave, për një shtesë buxheti në vlerën 100 milionë lekë, për të mbuluar pagat dhe sigurimet shoqërore për dy shoqëritë:  Shërbimi gjeologjik shqiptar dhe të Autoritetit Kombëtar për Sigurinë dhe Emergjencat në Miniera.

LEXO EDHE  Tenderat nga Bashkia e Tiranës, Lali Eri mban rekordin për ankimimet

Ndërsa ndryshimi tjetër, ka të bëjë me heqjen e 500 milionë lekëve nga buxheti i  Ministrisë së Turizmit dhe Mjedisit dhe kalimin e kësaj shume në Fondin Rezervë në dispozicion të bashkive për menaxhimin e mbetjeve.

E pranishme në mbledhjen e komisionit zv.ministrja e Financave dhe Ekonomisë Vasilika Vjero, shprehu dakordësinë me propozimet e parashtruara, teksa theksoi se, këto çështje janë konsultuar paraprakisht për ministrinë e Turizmit dhe atë të Infrastrukturës.