Halili reagon ashpër: Minj kanalesh ata që thanë se Tirana do linte ndeshjen

Halili, Fk Tirana

Refik Halili foli pas eliminimit të Tiranës në derbin me Dinamon dhe nuk humbi nga rasti për të mbyllur zërat që shikonin Tiranën sikur e kishte lënë ndeshjen e parë dhe do ta humbiste edhe sot.

“Ishte një sakrificë dhe lojë e pastër nga lojtarët. Më vjen keq për çunat për arsye se kishin premtuar që do të bënin ndeshje të mirë e do bënin kthesë, që është diskutuar që në ditën e parë kur humbëm ndeshjen. Na vjen keq por i falënderoj për sakrificën edhe tifozët edhe pse një pjesë e mirë flisnin që ndeshja është e lënme e kjo bëri që të mos kishte shumë në stadium. Këto për mua janë minj kanalesh, i pari nga këto është Gëzim Sinemati. T’ia thonë atij, janë minj kanalesh që ndyjnë futbollin me atë që dalin e thonë në intervista e opinione. Kur japin opinione të jenë të kujdesshëm, ata dëmtojnë futbollin shqiptar”, ishte deklarata e fortë e Halilit në “Air Albania”.

LEXO EDHE  VIDEO/ Shënon Benzema, Reali barazon ndaj Sevillas

Gjithashtu numri 1 i bardhebluve përgëzoi portierin Bakaj për të cilin tha se ka shpëtuar dhe ka ngjitur Dinamon në Shqipëri ndërsa shtoi se tani Tirana do të bëjë maksimumin në kampionat.