Nga Boldnews.al
Është e vështirë të gjendet ndonjë foto apo video e kryebashkiakut të Tiranës Erion Veliaj me ndonjë eksponent të fortë të krimit të organizuar. Megjithatë, gjen plot takime dhe biznesmenë vendas dhe të huaj, apo zyrtarë lokal në Itali, të cilët janë të dyshuar për lidhje me mafian në pastrimin e parave të pista. Në botën e nëndheshme, oligarkia e ndërtimit ka gjetur oazin e saj në ngritjen e kullave në Tiranë, ku mbeten po aq të errëta edhe burimi i qindra milionë eurove që pastrohen në fushën e ndërtimit.
Ndryshe nga homologët e tjerë socialist, Veliaj e ka merak imazhin, ndaj ka vendosur që të bëhet vetë “i fortë”. Në publik, kur ka kamera, Veliaj lëviz me biçikletë, për të treguar se është një zyrtar i thjesht dhe me modestinë e tij të konsiderohet si “shërbëtor” i qytetarëve, por në përditshmëri është tjetër…
Në redaksinë e Boldnews.al, kanë mbërritur disa foto që tregojnë makinën luksoze të Veliajt të cilën e parkon në vendin ku duhet të leviznin autobusët, madje mu bash përballë tabelës rrugore që tregon se nuk lejohet qëndrimimi.
Automjeti me targë “AB 707 EV”, me të cilën Veliaj kohët e fundit është parë të mbërrijë edhe në Bashki, ndalon në mes të rrugës, pa pasur aspak frikën se aty mund të shfaqet ndonjë “çift” policësh bashkiak me bllok në dorë për të vendosur gjobën. Ata e dinë se me atë mjet lëviz shefi i madh, madje për ta kuptuar qartësisht, në fund i ka vendosur edhe inicialet e emrit dhe mbiemrit të tij, “EV”.
Tashmë ish-G-99-shi i dikurshëm, pa asnjë peshe elektorale, që në momentin që u bë çirak i “Usta Edit” ka ecur shumë, duke e kthyer Tiranën në një oaz të frikshëm ku betoni po zë frymën e çdo banori të kryeqytetit. Lali nuk është më ai adoleshenti i dikurshëm që shiste fiq për të mbajtur familjen dhe kohët e fundit ka nisur të shijojë jetën e luksit, duke bredhur me automjetin luksoz me targë të personalizuar.
Ndryshimi i sjelljes së Veliajt edhe në publik mund të jetë një tjetër shenjë që ka ardhur koha që të bëjë “të fortin”, jo vetëm për faktin se ka krijuar oligarkinë e tij të ndërtimit, por edhe në shfaqje, duke treguar dhëmbët për këdo që është mprehur për t’i zënë vendin Edi Ramës.
Një ditë do të vinte që Veliaj të bëhej “çuni i fortë” i “katunit të madh”, por pikëpyetja që mbetet është se ku e fut Veliaj biçikletën që i duhet për shfaqje propagandistike? Bagazhi i fuoristratës është goxha i bollshëm dhe mban biçiklëtë apo monopatina, të cilat janë si gardërobë shfaqjeje për të hedhur hi në sytë e publikut.
Gjithashtu për qytetarët që e kanë votuar Veliajn lind edhe një pikëpyetje e madhe: si e përballon mbajtjen me karburat të një automjeti të tillë kur me rrogën e kryebashkiakut i duhet të ushqejë veten dhe familjen? Nikoqir i madh duket, që me pagën e kryebashkiakut të mbulojë tërë luksin që i vjen pas, duke nisur që nga veshja firmato, pa harrur “lubinë e rrugës” me targë të personalizuar.
