Mbappe barazon rekordin pas 63 vitesh

Foto: Sportsfinding.com

Kilian Mbape realizoi 4 gola në fitoren me goleadë të Francës kundër Kazakistanit. Sulmuesi i PSG-së realizoi tripletë në 32 minutat e para, e më pas rrjetën e fundit në të 87-ën. Ndeshja përfundoi me festë për “Gjelat’ që siguruan një vend në botërorin Katar 2022.

Me pokerin e golave, Mbape barazoi një rekord të vendosur nga legjenda Fonten në vitin 1958 dhe është futbollisti i katërt në histori që e arrin diçka të tillë.

LEXO EDHE  Video/ Si në kohët e tij të arta, Ronaldinho realizon tripletë në ndeshje bamirësie

Ndërkohë ai bëhet futbollisti i parë francez në një kompeticion ndërkombëtar që realizoi tripletë, që nga viti 1985 ku kishte shënuar Dominik Roshet.

Në suksesin e arritur nga “Gjelat” në fitimin e Kupës së Botës në Rusi në vitin 2018, Mbape luajti një rol të rëndësishëm duke shënuar 4 gola, përfshirë një në finale. Sulmuesi 22 vjeçar ka realizuar në total 23 gola në 52 takime për “Lë Ble”.