Portugalia dhe Spanja kishin dy finale për të kaluar në Kupën e Botës. Për të dyja këto ekipe të mëdha kishin qëlluar ndeshjet e fundit me rivalet e grupeve respektive dhe jo gjithçka shkoi ashtu siç pritej.
Portugalia mori mësim të mirë nga Serbia duke u mundur në mënyrë të bujshme 1-2 në shtëpi, rezultat që çon direkt në Botëror ekipin ballkanas teksa Ronaldo me shokë do të përplasen në playoff.
Që në minutën e 2’, Renato Sanchez kaloi në avantazh ekipin e Santos ndërsa në 33’ iu përgjigj Tadiç. Serbët po insistonin shumë dhe në 90’, Mitroviç me kokë shënon duke shokuar vendasit.
Me këtë rezultat Portugalia do të presë përplasjet në playoff ndërsa Serbia me një fitore heroike siguron një vend mës më të mirëve.
Në Grupin B, Spanja e pati shumë të vështirë në përballjen direkte me Suedinë e Ibrahimoviç dhe falë një goli të Alvaro Moratas në fund në 86’ arriti të merrte fitoren që e vendos atë në krye të Grupit dhe që e çon në Katar. Për Suedinë tashmë llogaritë do të bëhen për playoffin pasi humbi shanset e mëdha kur u mund pak ditë më parë nga Gjeorgjia.
