Portugalia ka miratuar një projektligj që ndalon mbulesat e fytyrës me motiv gjinor dhe fetar në hapësirat publike, duke përfshirë burkën dhe nikabin.
Masa, e propozuar nga partia e ekstremit të djathtë Chefa dhe e mbështetur nga PSD e qendrës së djathtë, ka shkaktuar debate të forta në parlament, ku partitë e majta votuan kundër.
Ligji parashikon gjithashtu ndalimin e detyrimit të dikujt për të fshehur fytyrën për arsye gjinore ose fetare, ndërsa përjashtimet përfshijnë rastet kur mbulesa përdoret për arsye shëndetësore, profesionale ose artistike.
Tani projektligji do të shqyrtohet në Komisionin Parlamentar për Çështjet Kushtetuese, të Drejtat, Liritë dhe Garancitë, dhe më pas duhet të marrë miratimin e Presidentit Marcelo Rebelo de Sousa, i cili mund të vendosë veton ose ta dërgojë ligjin në Gjykatën Kushtetuese.
Nëse miratohet, Portugalia do t’i bashkohet vendeve të tjera evropiane si Austria, Franca, Belgjika dhe Holanda, të cilat kanë ndalime të plota ose të pjesshme për mbulesat e fytyrës dhe të kokës.
