VIDEO/ Mbappe dhe Benzema të papërmbajtshëm, fitore 8-0 për Francën në kualifikueset e Botërorit

Foto: AFP

Sonte dy kombëtare të mëdha siguruan një vend në Kupën e Botës. Franca dhe Belgjika prenë biletën për një vend direkt në Katar 2022 teksa fituan me goleadë por dështoi Holanda.

Franca me Kylian Mbappe dhe Benzema dhuruan spektakël në fitoren e thellë 8-0 ndaj Kazakistanit ku Mbappe arriti të realizonte tripletën dhe pokerin e pare me fanellën e “gjelave”. Benzema shënoi 2 herë teksa Rabiot dhe Griezmann plotësuan fitoren tenistike në Grupin D.


Ndërkohë edhe Belgjika arriti të siguronte një vend për në Kupën e Botës me fitoren 3-1 ndaj Estonisë në shtëpi. Në mungesë të Lukakut, furitë e kuqe morën 3 pikë me golat e Benteke, Carrasco dhe Hazard duke e çuar Belgjikën si e para e Grupit E.

LEXO EDHE  Pele për Mesin: Talent unik

Në Grupin G, Holanda e Van Gaal i hap shumë punë vetes duke shtyrë kualifikimin por duke e çuar në një finale ndaj Norvegjisë në ndeshjen e fundit. Tulipanët barazuan 2-2 në fushën e Malit të Zi dhe mbeten të parët por duhet të mposhtin Norvegjinë ose të presin edhe rezultatin e Turqisë që i kërcënon për vendin e parë me 2 pikë më pak po aq sa Norvegjia.