Anglia ka fituar të pesta takimet e luajtura kundër Shqipërisë, por për trajnerin Gareth Southgate ndeshja e radhës në stadiumin “Wembley” do të jetë e vëshirë.
Anglia kryeson Grupin I në kualifikueset e Botërorit Katar 2022, ndërsa kuqezinjtë janë të tretët në renditje.
“Tre Luanët” kanë marrë dy barazime në tri takimet e fundit në grup, për shkak të mungesave kjo ua ka vështirësuar situatën. Shqetësim përbën mesfusha.
“Jemi stërvitur mirë. Disa lojtarë janë tërhequr nga ekipi, por jemi mësuar me këtë gjë. Asnjëherë nuk e kemi pasur të lehtë dhe këtë e dimë.. Kemi qenë mjaft të përqendruar këtë javë ku kemi punuar që në fushë të jemi të avantazhuar ndaj rivalëve dhe të bëjmë më shumë pressing, krahasuar me sfidën kundër Hungarisë”.
Rajs, Uard-Prous dhe Rashford u tërhoqën nga kombëtarja angleze, ndërsa Maunt dhe Ljuk Sho do të mungojnë kundër kuqezinjve.
Pas barazimit ndaj Polonisë dhe Hungarisë, Anglia ngelet në vend të parë me 20 pikë, tri më shumë se sa polakët, ndërsa kuqezinjtë kanë 15 pikë.
