Sekretari i Përgjithshëm i Partisë Demokratike, Gazment Bardhi u shpreh sot se në krah ish-kryeministrit Sali Berisha është personi që ka qenë shefi i shtabit të fushatës së djalit të Aqif Rakipit, deputeti Orlando Rakipi. Bardhi sqaroi se personi në fjalë është Keltis Kruja, ish-deputet i PD, që punoi për Orlando Rakipin.
“Po tani cfarë na u tha, ejani atë ditë dhe verifikojini, ndonjë emër na e jep edhe ‘Qifja’ (Aqif Rakipi) ta fusim aty, që të mbushim sallën. Kështu dëgjova dje se ky grupi nismëtar do të bënte certifikimin dhe aty ishte shefi i shtabit të Orlando Rakipit, e ka pasur përballë Flamur Noka. Dhe ky shefi i shtabit do të verifikojë mandatet? Organizator i shtabit, organizator i ‘Foltores'”, tha ai.
“Statuti nuk parashikon verifikim të firmave nga një komision i ngritur në Kuvend. Është e pamundur fizikisht të verifikon 4-5 apo 6 mijë firma në një orë sa është afati i veprimtarisë. Kjo tollovi është krijuar për shkak të marrëdhënies së Sali Berishës me SHBA-në dhe me këtë nuk kanë të bëjnë hallet dhe problemet e demokratëve. Nuk njoftohen me FB delegatët”, shtoi ai.
LEXO EDHE:
Bardhi: Nëse Berisha i ka mbledhur firmat, ti dorëzojë te zyra e protokollit në PD
