Gjykata e Lartë nuk ka mundur të shqyrtojë as seancën e sotme, rekursin për lirimin me kusht Lulzim Berishës.
Shkak i shtyrjes së kësaj seance është bërë mungesa e avoktit mbrojtës të tij. Gjatë seancës anëtarët e Gjykatës së Lartë vendosën qe të përsëriten njoftimet, por edhe të caktohet një tjetër avokat kryesisht.
Gjykata e Lartë në seancën e kaluar la edhe disa detyra ku kërkoi të merrte informacion nga prokurorira e Durrësit, nëse Berisha mbante kontakt me shërbimin e provës apo jo.
Lulzim Berisha fitoi 5 vjet më parë lirinë me kusht pas garancisë së dhënë për punësimin e tij edhe nga Bashkia e Durrësit, ndërsa më herët vetë Gjykata e Lartë kishte ulur dënimin e tij nga burgim i përjetshëm në 25 vite burg.
Seanca e radhës u la më 23 nëntor ora 09:30.
