Deputeti demokrat Flamur Noka ka reaguar në rrjetet sociale lidhur me përplasjen në Partinë Demokratike. I rreshtuar në krah të ish-Kryeministrit Sali Berisha, Noka shkruan se Edi Rama largohet nga pushteti, kur PD-ja të çlirohet nga pengu i tij, Lulzim Basha.
Ai akuzon Bashën se në vend që të largojë Ramën, po largon demokratët nga PD-ja.
“Basha ka 8 vjet që i shërben Ramës duke bërë gjithçka për ta lënë atë në pushtet. Në vend që të largonte Ramën, pengu Basha ka zgjedhur që të largoje demokratët për të ruajtur karrigen tij dhe për të mbrojtur interesat e tij.
Mënyra më e shpejtë për të rrezuar Ramën është çlirimi i PD nga pengu i tij. Në mënyrë që opozita të realizoje qëllimin, asaj i duhet një lider dhe jo një peng kryetar.
11 Dhjetori do te jetë dita kur PD do t’u rikthehet demokrateve dhe misionit të saj për rrëzimin e Ramës”, shkruan Noka.
