Sekretari i Përgjithshëm i Partisë Demokratike, Flamur Noka, ka deklaruar se fikja e sinjalit të News2,4 ka ardhur për shkak se televizioni nuk është bërë palë me qeverinë.
Ai tha se një vend nuk mund të integrohet kurrë në Bashkimin Evropian, nëse liria e medias nuk është e garantuar.
“Çdo media e cila nuk bëhet urë e regjimit që të zezën t’ja u pasqyrojë shqiptarëve për të bardhë ajo media ndodhet nënpresione dhe sanksione.
Qasja ndaj lirisë së mediave të Edi Ramës dha sinjalin e parë të alarmit me Agon Channel sepse nuk u nënshtrua, radhën e kishte Ora News. Tashi radhën e ka media juaj. Është alarmante që në një shtet të ketë një pushtet i cili të ketë këtë qasje ndaj lirisë në shtypit. Nuk integrohesh kurrë ne BE nëse liria e shtypit nuk është e garantuar“, tha Noka.
Ai u ndal edhe tek figura e Ardi Veliut, duke e cilësuar si përgjegjës për çdo “krim qeveritar” dhe duke akuzuar se ka vepruar për interesat e pushtetit dhe jo për ligjin edhe në sulmin ndaj News24.
“Si mund t’i vërsulesh një media që ka kontribute shumë vjecare në Shqipëri për shoqërinë? Ardi Veliu qëndron pas cdo krimi qeveritar. Në ngjarjen e Elbasanit falsifikoi privat, e mbani mend vrasjen e atij të riut në Tiranë. Kambalja ka ardhur për t’i shërbyer padronit, jo ligjit. Gojët e liga thonë që kur ishte drejtor policie në Vlorë iu vodh shtëpia dhe iu gjetën 500 mijë euro. Kjo kategori nejrëzish nuk duhet të lejohet në dyert e shtetit”, u shpreh ai.
