Ish-Kryeministri Sali Berisha zhvilloi sot një takim me të rinjtë dhe të rejat e FRPD në Tiranë, nga ku ripërsëriti akuzat në drejtim të kreut demokrat Lulzim Basha.
Berisha tha se Basha është një Kryetar pa parti, është shpresëshuar dhe peng i Kryeministrit Edi Rama.
Ai gjithashtu tha se Kuvendi Kombëtar i PD ka të drejtën të shkarkojë Kryetarin, por shtoi se ai mendonte që të ishte anëtarësia e partisë, që do të shprehej me votën e saj, nëse do të pranonte ose jo, që Lulzim Basha të ishte kryetar.
Ish-Kryeministri do të vijojë takimet me anëtarët demokratë edhe javën e ardhshme, ku të martën pritet të jetë në Pogradec.
Raportohet se përgjatë muajit nëntor, ish-kryeministri do të zhvillojë disa takime me anëtarë dhe simpatizantë të PD, në disa nga Bashkitë kryesore të vendit, ndërkohë që është mbyllur turi i takimeve të Foltores në qendrat e qarqeve.
