Thyen traun e doganës me makinë, ndiqet nga policia greke/ Çfarë ndodhi me shqiptarin

Një automjet që udhëtonte nga Shqipëria në drejtim të Greqisë, ka thyer traun e doganës greke të Mavromatit (Qafe-Botë).

Drejtuesi i mjetit nuk i është bindur policëve për kontroll, duke shtuar shpejtësinë duke thyer traun dhe më pas është futur në tokën greke. Gjashtë mjete të policisë greke janë vënë në ndjekje të makinës për rreth 30 kilometra deri sa i kanë bllokuar rrugën brenda qytetit të Igumenicës.

Në tentative për t’u larguar, drejtuesi shqiptar, ka përplasur një nga makinat e policisë, por fatmirësisht pa lënduar njeri.

Drejtuesi i mjetit është shoqëruar në policinë e Igumenicës, ndërsa automjeti po i nënshtrohet një kontrolli të imtësishëm.

LEXO EDHE  Parkuar pranë një banese, digjet automjeti në Durrës

Deri tani nuk është gjetur asnjë e dyshimtë në makinë dhe policia dyshon se kemi të bëjmë me një person me probleme psikologjike.

Burime nga Policia Kufitare e Sarandës kanë bërë të ditur se makina ka kaluar me shpejtësi edhe në doganën tonë duke mos iu bindur urdhrit të policisë dhe duke rrezikuar jetën e punonjësve.

Sapo ka kaluar edhe traun e doganës tonë është njoftuar pala greke, por edhe atyre nuk i është bindur, për tu kapur më pas në Igumenicë.