Misteri mbi vd*kjen e 4 turistëve rusë, kërkohet ndihma e izraelitëve për hapjen e telefonave të viktimave

Megjithëse kanë kaluar disa javë nga dita kur në një hotel në Qerret të Kavajës u gjetën të pajetë trupat e 4 turistëve rusë, mes të cilëve edhe një gjeneral, ngjarja vijon të mbetet me mister.

Nga raportimet mësohet se grupi hetimor ka kërkuar ndihmën e një kompanie të huaj edhe për të bërë analizat e ujit të pishinës së brendshme, e cila ishte përdorur nga turistët.Analizat e marra më parë janë hedhur poshtë pasi nuk mostrat nuk ishin marrë në mënyrë profesionale, duke respektuar rregullat.

Po kështu mësohet se Prokuroria e Kavajës, ende nuk ka marrë të dhëna nga telefonat celularë, që ju gjetën katër turistëve. Nga raportimet mësohet se aparatët celularë që përdornin turistët janë e llojit iphone dhe ato nuk mund të hapeshin nga strukturat shqiptare hetimore.

Në këto kushte i është kërkuar ndihma izralitëve ku paisjet pritet që të dërgohen në Izrael.

Sipas grupit hetimor kjo kërkesë është bërë pasi sipas tyre zbardhja e bisedave apo telefanata që ata kanë kryer mund ta ndihmojë grupin hetimor për zbardhjen e ngjarjes. Por nga ajo që raportohet rezulton se në vendin e ngjarjes dhe në ambientet e hotelit janë gjetur vetëm 2 telefona, ndërkohë që ishin 4 turistë.

Nuk dihet se cilëve nga familjarëve rusë i përkisnin telefonat dhe nuk dihet se cili nga viktimat kanë qenë pa telefon.

LEXO EDHE  Basha: Kuvendi i vetëm i PD është më 18 Dhjetor

Moska zyrtare prej disa ditësh pret marrjen e të dhënave të detajuara lidhur me ngjarjen. Mediat kanë raportuar se përfaqësues të Ambasadës ruse në Tiranë ishin javën e kaluar në ambientet e Institutit të Mjekësisë Ligjore, për të marrë të dhëna mbi vdekjen e mistershme të katër turistëve rusë.

Nga të dhënat e para të Mjekësisë Ligjore dyshohet se shkak për vdekjen e turistëve është bërë asfiksia, ndonëse nuk dihet ende se nga se ka ardhur ajo.

Çifti Natalia Burenkova, 58 vjeçe dhe Sergei Burenkov, 60 vjeç, dhëndri i tyre, Nikita Belousov, 37 vjeç, dhe vajza e tyre, Ekaterina Burenkova, 31 vjeçe, u gjetën të pajetë, ndërsa Prokuroria e ka regjistruar ngjarjen si vrasje e mundshme, por pa pasur një autor.

Në dëshminë e tij, recepsionisti ka thënë para hetuesve se ka qenë ora rreth 22:30 kur ai ka shkuar në zonën e saunës, ku ishin 2 çiftet, ndërsa i ka thirrur disa herë për t’i njoftuar se pijet dhe frutat iu kishin shkuar në dhomë.

“Iu thirra disa herë se pijet dhe frutat ishin gati. Pasi nuk m’u përgjigj njeri, hyra brenda në sauna dhe i pashë të katër, nuk m’u përgjigjën. Njëri ishte i shtrirë në shezlong, dy në stol dhe një tjetër ulur me këmbët në pishinë. Ishin të asfiksuar”, mësohet të jetë shprehur punonjësi i hotelit.