Presidenti Ilir Meta bën apel të zbardhen shkaku i helmimit të qindra qytetarëve në Krujë.
“Me shqetësim po përcjell helmimin në masë të banorëve të Krujës, një situatë alarmante, që duhet trajtuar me shumë përgjegjësi dhe seriozitet nga institucionet shtetërore përgjegjëse për shëndetin publik, por edhe nga drejtësia. Qytetarëve të helmuar, ju uroj shërim sa më parë dhe tejkalimin pa pasoja të rënda dhe afatgjata, si dhe ju shpreh familjeve të tyre të gjithë solidaritetin”, shkruan Meta në një postim në rrjetet sociale.
“Mbështes dhe përgëzoj ekipet mjekësore për kujdesin dhe profesionalizimin e dëshmuar deri më tani dhe i nxis shërbimet shëndetësore epidemiologjike dhe ato të mjekësisë ligjore të zbardhin sa më parë burim shkakun dhe shkaktarët dhe përgjegjësit e kësaj ngjarjeje të rëndë, që përbën një kërcënim serioz për jetët njerëzore dhe Sigurinë Kombëtare”, shton ai.
Që prej së Dielës, mbi 300 banorë të Krujës janë paraqitur për ndihmë mjekësore në spital me shenja helmimi. Dyshimet janë se qytetarët janë helmuar nga uji.
Lexo edhe:
