Partia Demokratike pritet të dorëzojë në Kushtetuese këtë të Hënë padinë në Gjykatën Kushtetuese për mosngritjen e Komisionit Hetimor për çështjen Becchetti.
Padia do të dorëzohet nga nënkryetarja e PD-së, Grida Duma dhe nga Sekretari i Përgjithshëm, Gazment Bardhi. Selia blu ka njoftuar se pas dorëzimit të padisë do të ketë një komunikim me median nga Duma dhe Bardhi.
Padia u paralajmërua të shtunën gjatë një konference të Lulzim Bashës me gazetarët. Ai tha se Rama po pengon ngritjen e Komisionit Hetimor për Becchetti-n. Po ashtu shtoi se vendimi për çështjen Becchetti është në internet dhe nuk ka asgjë konfidenciale siç ka deklaruar Rama.
