Ndoka: Nuk është Berisha, ja kush mund të zëvendësojë Bashën në krye të PD

Kreu i Partisë Demokristiane Nard Ndoka, i cili nuk arriti të merrte mandatin e deputetit më 25 prill, ka deklaruar se si kryetar të PD-së, në vend të kreu aktual Lulzim Basha shikon Fatbardh Kadillin.

Në një intervistë për Abcnews, Ndoka shprehet se Kadilli është një lider me mendime të qarta.

“Kadilli pa diskutim që është një lider me ide programore, me mendime të qarta. Zoti Kadilli ka një mbështetje, një suport të vet në partinë Demokratike. Janë njerëzit që janë me një mendje më të kthjellët që janë jashtë interesave, që e kanë mbështetur zotin Kadilli, pra e shohin si një mundësi frymëzimi, e shohin si një mundësi që do t’i japin impuls partisë Demokratike, do t’a bëjnë të reflektonin, të reformohet, të lëvizin pra janë të domosdoshme këto lëvizje brenda partive politike” tha Kreu i Partisë Demokristiane Nard Ndoka.

LEXO EDHE  Bullgaria merr vendimin përfundimtar: Nuk e heqim veton për Maqedoninë e Veriut

Nuk dihet sa seriozisht e ka Ndoka me parashikimin e tij, por në zgjedhjet e fundit që u zhvilluan në PD, Kadilli u rendit si më pak i votuari në garën për kreun e partisë, duke marrë më pak vota se Edith Harxhi, që u rendit e 3-ta, mes 4 kandidatëve.