Ibrahimovic “ëngjëll” dhe “djall”, Milani mposht 4-2 në transfertë Bologna-n

Një sfidë Bologna-Milan asnjëherë nuk është normale. Vitet e fundit një përballje e tillë ka dhuruar gjithmonë gola dhe kartona ndaj dhe sot nuk mund të ishte ndryshe.

Në “Dall’Ara”, Bologna tentoi të përsëriste fitoren e Milanit në 2017 kur me 9 lojtarë morën nje 3 pikë ndaj tyre por nuk ia arritën. 3-2 ishte fitorja e kuqezinjve ndaj skuadrës së Mihajloviç, një ndeshje që Milani ia ndërlikoi vetes kur udhëhiqte 2-0 me golat e Leaos dhe Calabrias.

Soumaoure la vendasit me 10 lojtarë që në minutën e 20’ por një autogol i Ibrahimoviç në 49’ dhe goli i Barrow në 52’ barazuan në 2-2 sfidën duke shokuar Piolin.

LEXO EDHE  Aksident në Durrës, 3 të plagosur

Iu deshën shumë minuta vuajtje miqve për të shënuar golin e avantazhit me Bennacer me një gjuajtje nga jashtë zone në 84’ dhe në 90’, lë shenjën e tij edhe Ibrahimoviç që realizon golin e katërt dhe të fitores përfundimtare. Me këtë fitore, kuqezinjtë marrin kryesimin e përkohshëm në pritje të ndeshjes së Napolit kundër Romës.