Rama: Ujësjellësit të mbingarkuar me njerëz që marrin rrogat kot, administrim kriminal

Përveç menaxhimit dhe administrimit të mbetjeve, kryeministri Rama foli në mbledhjen me kryetarët e bashkive edhe për ujësjellësit, për të cilët paralajmëroi se do të flasë më në detaje në javën e ardhshme.

Rama ngriti shqetësimin se ujësjellësit janë kthyer në sektorë punësimi dhe sipas tij, shumë punonjësin e marrin rrogën kot.

“Janë bërë investime të mëdha si për plehrat, si për ujin. 800 milionë euro ka investuar kjo qeveri së bashku me donatorët, të cilat janë fonde të këtij populli dhe humbjet në rrjet dhe trajtimi i sektorit të ujit si një sektor punësimi, në ndërmarrje të mbingarkuar me njerëz që marrin rroga kot, ndërkohë që çdo vit rritet borxhi i bashkive, kjo është bërë rutinë”, u shpreh kryeministri.

LEXO EDHE  Koronavirusi në Greqi/ 81 humbje jete dhe 5899 të infektuar në 24 orët e fundit

Më tej, Rama e quajti kriminal administrimin e këtij sektori.