Vdekja e turistëve rusë në hotelin në Qerret, reagon ambasada e Rusisë

Ambasada e Rusisë në Tiranë ka bërë të ditur me anë të një postimi në FB se trupat e pajetë të 4 turistëve, të cilët u gjetën të vdekur në ambientet e një hoteli në Qerret të Kavajës, janë nisur mëngjesin e sotëm për në Moskë.

Ndërkohë, ambasada thekson se për të përcaktuar vdekjen e turistëve mund të kryhet një ekspertizë mjekoligjore shtesë edhe në Rusi.

“Në mëngjesin e hershëm të 22 tetorit trupat e pajetë të shtetasve rusë, të cilët humbën jetën më 15 tetor në territorin e Republikës së Shqipërisë, u nisën në Rusi me një fluturim të rregullt.  Sipas legjislacionit rus, mund të kryhet një ekspertizë mjekoligjore shtesë për të zbuluar shkaqet e vdekjes së tyre.   Shpresojmë në marrjen sa më të shpejtë të përfundimeve zyrtare nga pala shqiptare, si edhe në bashkëpunimin e mëtejshëm të ngushtë të organeve ligjzbatuese ruse dhe shqiptare për sqarimin e rrethanave të tragjedisë”, thuhet në reagimin e ambasadës Ruse në Tiranë.

LEXO EDHE  Të shtëna brenda hotelit në autostradën Tiranë-Durrës, plagoset 1 person