Tema “Vetting-u i politikës” ka shkaktuar debate në studion e Open e në Top Channel.
Deputetja e PD, Grida Duma, nuk e ka pranuar deklaratën e analistit Andi Bushati se amendamentet e propozuara nga PD janë propagandë fëmijënore.
Duma në kundërpërgjigjen e saj u shpreh se PD-së nuk i pëlqen të bëjë politike rruge, pasi diçka e tillë nuk i pëlqen shqiptarëve.
“Situata sot nuk është e njëjtë, por nga ana tjetër, nëse nuk do që të kthehesh në parti rruge, se ne jemi parti që do qeverisë, ne nuk duam vetëm qeverisjen e rrugës,” tha Duma.
“Ka dhe një rrugë, që është një rrugë e një partie demokratike, që ka vend për të gjithë. Krijim i një fronti me vlera demokratike, me vlera ku votohet, një vend ku njerëzit nuk përjashtohen, po votohen. Ne këto 8 vite kemi një PD që ka dështuar në rrugën e hapjes. Është bërë një parti që të gjithë flasin si Luli, ku nuk ka personalitete politike, ku njerëzit përjashtohen nga njëri,” u përgjigj Bushati.
“Krijimi i vlerave, këtë po bëjmë. Po bëhemi shembull me këtë, mos ngatërrojmë vetting-un politik me zgjedhjet e brendshme,” shtoi Duma.
Bushati: Duke manipuluar zgjedhjet e brendshme?
