Një aksident i pesëfishtë raportohet të ketë ndodhur mëngjesin e sotëm në Currila të Durrësit.
Mësohet se rreth orës 7:20 në afërsi të Brrylit, përballë UAMD, një mjet fuoristradë me targa italiane ka qenë duke udhëtuar në drejtim të qytetit dhe tek zona e një kthese të lehtë është përplasur me mjete përballë, duke shkaktuar një zinxhir përplasjesh me 4 mjete të tjera.
Burimet paraprake njoftojnë se nga aksidenti nuk ka të lënduar. Policia e mbërritur në vendngjarje ka nisur hetimet për aksidentin.
