Hetimet për vd*kjet misterioze të turistëve rusë/ Çfarë pritet nga mjekësia ligjore

Mjekësia ligjore në Tiranë ende nuk ka nxjerrë një raport zyrtar lidhur me vdekjen e 4 turistëve rusë në një prej hoteleve në zonën e Qerretit.

Mediat ruse raportojnë se dy nga viktimat, nënë e bijë, janë gjetur në shezlongje, por jo me veshje saune, ndërsa dy meshkujt, babai i vajzës dhe i fejuari i saj, u gjetën pranë pishinës.

I gjithë procesi hetimor është ndjekur hap pas hapi jo vetëm nga drejtues të Policisë dhe Prokurorisë së Tiranës, por edhe nga zyra konsullore e Ambasadës ruse në Tiranë.

Nga raportimet, 4 turistët rusë kanë hyrë rreth 1 javë më parë në territorin shqiptar nga Maqedonia e Veriut, ndërsa autoritetet shqiptare përveç identiteteve të viktimave, nuk kanë asnjë të dhënë tjetër lidhur me to.

Vdekja ka ngjallur dyshime se shtypi rus shkruan se 58-vjeçarja vuante nga kanceri dhe për këtë arsye nuk është futur në saunë. Të afërmit e tyre kanë deklaruar se asnjëri prej tyre nuk pinte alkool apo drogë dhe shkaku i vërtetë i vdekjes pritet të përcaktohet pas rezultateve të autopsisë.

LEXO EDHE  LAJM I FUNDIT/ Përfshihet nga flakët çerdhja në Fier

Gjithashtu po analizohet edhe ushqimi që ata kanë konsumuar.

Viktimat janë: Natalia Burenkova, 58 vjeçe, Sergei Burenkov, 60 vjeç, Nikita Belousov, 37 vjeç, dhe Ekaterina Burenkova 31 vjeçe.

Nga hetimet e deritanishme dyshohet për një asfiksim të viktimave. Policia ka marrë dëshminë e recepsionistes së hotelit, por edhe të një punëtori të mirëmbajtjes, i cili kujdesej për pishinën.

Mësohet se 4 turistët rusë kishin kontaktuar hotelin ditën e enjte, ndërsa u akomoduan të premten, ditë në të cilvn u gjetën edhe të pajetë.

Nga dëshmitë e mbledhura, mësohet se rusët kishin kërkuar të përdornin edhe pishinën. Referuar raportimeve mësohet se pishina prej 1 jave nuk ishte në përdorim dhe ajo është bërë gati, duke iu derdhur uji dhe më pas është dezifektuar me klor dhe është rimbushur.

Policia gjithashtu po heton lidhur me sistemin e ajrimit të saunas, edhe pse nga mediat ruse janë hedhur dyshimet se të paktën dy prej viktimave nuk kanë hyrë në sauna.