Një 37-vjeçar, i arrestuar për vrasjen e pesë personave dhe plagosjen e dy të tjerëve në sulmin me hark dhe shigjetë në Norvegji mësohet të jetë një person i konvertuar në Islam.
Ky person i cili nuk është identifikuar akoma ishte i njohur për policinë dhe kishte qenë në kontakt me shërbimet shëndetësore, raportojnë mediat vendase. 37-vjeçari u arrestua në qytetin Kongsberg rreth orës 18:47 me kohën lokale mbrëmjen e kaluar pas një aksioni që filloi në një supermarket dhe përfundoi me të shtënat paralajmëruese të policisë.
Sipas mediave norvegjeze, dëshmitarët kanë treguar se burri, i cili ka jetuar në qytet për disa vjet, “është konvertuar në Islam”.
Policia ende nuk e ka konfirmuar informacionin dhe nuk ka zbuluar një motiv për sulmin, megjithëse shefi Øyvind Aas tha mbrëmë se oficerët do të “hetojnë” natyrisht nëse ishte terrorizëm.
Burimi:dailymail
