Rama: Kursimet e popullit më lart se ç’kanë qenë ndonjëherë. Vitin tjetër do çojmë dy satelitë në hapësirë

Kryeministri Edi Rama deklaroi këtë të Enjte nga foltorja e Kuvendit se “vitin tjetër do çojmë satelitë në hapësirë”.

Duke iu përgjigjur akuzave të kryetarit të PD-së Lulzim Basha se po bie konsumi, Rama u përgjigj: “Si po bie konsumi kur kursimet e vogla janë më lart se ç’kanë qenë më shumë se ndonjëherë?! Po flas për kursimet e njerëzve të zakonshëm, jo për kostot e bizneseve”.

Ai deklaroi se vitin tjetër “do çojmë satelite në orbitë”. ”Albania 1, Albania 2, në orbitë, po sepse për ne ky vend s’është zonë e xanum dhe zhvillimi jo 7 mrekulli pati bota dhe të 8-ën e sollët ju se siç e tha ai i foltores, bëtë të mundur ndërtimin e një qyteti të tërë pa leje”, deklaroi Rama.

Kryeministri sqaroi se satelitët do të dërgohen në hapësirë se “në mënyrë që kontrolli mbi trafiqet, trafikun, kufijtë të kalojnë në nivelin e teknologjisë dhe të hiqet nga duart e atyre që kontrollojnë me sy”. “Që në atë pikë jo se dallojnë shumë nga njëri-tjetri, se në fund të fundit si inspektorët që keni pasur ju, ashtu dhe këta që kemi ne ‘janë me virus’, ndaj sytë do ti çojmë në qiell dhe do ti kontrollojmë nga qielli”, shtoi kryeministri.

LEXO EDHE  Parashikimi i motit për ditën e mërkurë, 27 Tetor 2021

Akuza, Rama lëshoi ndaj kryetarit të PD-së Lulzim Basha, të cilin e quajti “hallexhi”. “’La voce del padrone’ ka ik te foltorja tani ka mbet vetëm ‘la voce pa padrone’”, tha Rama.

Rama konfirmoi qëndrimin e mazhorancës kundër propozimit të opozitës për komisionin hetimor “Bechetti”. Po ashtu, konfirmoi marrjen e një eurobondi së shpejti, siç u lajmërua një ditë më parë dhe nga ministrja e Financave.