Me pistoletë me vete dhe kallash në shtëpi, arrestohet 18-vjeçari /VIDEO

Një 18-vjeçar është arrestuar nga policia e Durrësit, që ka sekuestruar dy armë zjarri.

“Specialistët për Hetimin e Krimit në Komisariatin e Policisë Durrës, në bazë të informacioneve të siguruara në rrugë operative se një shtetas lëvizte me armë zjarri, menjëherë kanë organizuar punën dhe në vendin e quajtur ‘Kryqëzimi i Kockave’, Plepa, në kuadër të operacionit ‘Blic’, kanë bërë të mundur kapjen dhe arrestimin e 18-vjeçarit R.C., banues në Shakllnur, Durrës”, njoftoi policia.

LEXO EDHE  Sekuestrohen 256 kg mari*uanë në kufirin greko-shqiptar

Gjatë kontrollit fizik, këtij shtetasi iu gjet një pistoletë sportive.

Ndërsa gjatë kontrollit të ushtruar në banesën e tij u gjetën 1 armë zjarri kallashnikov dhe 4 krehra automatiku me fishekë luftarak, konfirmuan burime zyrtare nga blutë.