Shqipëria do të luajë të shtunën ndaj Hungarisë dhe janë disa gjëra që e shqetësojnë Rejën. Dëmtimi i Ismajlit shqetëson trajnerin pasi është në dyshim dhe nuk dihet nëse do të jetë gati për ta nisur nga fillimi ndeshjen, tjetra është fakti që u bënë pak javë që sulmuesit e Kombëtares nuk po shënojnë, ndërkohë dilema ka edhe për në portë.
Këto katër ditë janë në dispozicionin e trajnerit për të parë grupin nga afër dhe për të nxjerrë formacionin që do të zbresë në fushë ndaj Hungarisë. Edhe pse ka luajtur vetëm dy 90 minuta në Ligën e Europës, më shumë se kolegu i tij Berisha te Torino, i cili nuk është aktivizuar fare, sërish pritet që në portë Reja t’i besojë eksperiencës së Etritit.
Sa i përket mbrojtjes “Panorama Sport” zbulon se mbrojtësi Ardian Ismajli është në dyshim për shkak se ndjen një shqetësim në këmbë. Madje, edhe stafi i klubit të Empolit nuk ishte plotësisht dakord që lojtari të grumbullohej me Kombëtaren për të mos rrezikuar më shumë. Mbrojtësi ka mbërritur me insistimin e Rejës i cili do e ndjekë nga afër gjendjen e tij. Ismajli nuk ka qenë i grumbulluar me skuadrën e Empolit në dy ndeshjet e fundit.
Ai nuk dihet nëse do të jetë i disponueshëm për të zbritur në fushë ditën e shtunë, prandaj në listën e grumbullimit është rikthyer edhe mbrojtësi Kastriot Dermaku i cili në rast mungese të Ismajlit do të luftojë me Enea Mihajn për një vend në treshen e mbrojtjes.
HYSAJ-BALLIU- Me shumë mundësi Elseid Hysaj pritet të kalojë në krahun e majtë. Grumbullimi i Ivan Balliut dhe forma e mirë që po kalon anësori i Rajo Vajekanos e ka futur në dilemë trajnerin Reja. Nëse Balliu starton nga e djathta, Hysaj do të transferohet majtas dhe do të luajë te pozicioni i cili po aktivizohet edhe të Lacio nën urdhrat e Sarrit.
MESFUSHA- Kur bëhet fjalë për qendrën e mesfushës na vijnë ndërmend emrat e Keidi Bares dhe Klasu Gjasulës të cilët priten që të marrin përgjegjësitë e mesfushës. Të dy po luajnë rregullisht dhe madje po kapin rezultate pozitive me skuadrat e tyre dhe e rëndësishme është që morali i tyre është i ngritur.
Gjasula në ndeshjen e fundjavës me Darsmtadin i është kthyer modës së vjetër dhe ka fashuar sërish kokën. Mesfushori para pak kohësh hoqi “kokoren” që mbante për t’u mbrojtur ndaj dëmtimit që kishte pësuar në kokë. Mirëpo asgjë serioze për Gjasulën i cili do të jetë i gatshëm për të shtunën. Alternativat e tjera për në mesfushë janë Çekiçi, Ramadani dhe Çokaj.
SULMI- Mendohet se Bajrami është ai që mund të jetë konfirmuar për titullar, lojtari po luan tek Empoli dhe ka shënuar edhe dy gola nga pika e bardhë. Në krah të tij ka mundësi të rreshtohet Uzuni, i cili është lojtari i momentit në Kombëtare pasi po shkëlqen në Hungari, por është edhe Manaj që në Kombëtare ka kontributin e tij dhe që lufton për një vend në formacion. Në majë i avantazhuar është Sokol Cikalleshi, por alternativë është edhe Armando Broja dhe Bekim Balaj. /Panoramasport
Formacioni i mundshëm:
