Një atentat ka tronditur mbrëmjen e sotme qytetin e Elbasanit.
Ngjarja
Sipas burimeve policore, pranë një pike karburanti në Bradashesh, afër “Rrethrrotullimit të Luleve” janë shënuar të shtëna me armë zjarri. Dy persona Lulzim Bitri dhe Ardjan Çollaku janë qëlluar me armë teksa lëviznin në këmbë. Bitri mbeti i vdekur në vend, ndërsa Subashi u transportua në spital. Në një njoftim zyrtar, policia informoi fillimisht se Subashi humbi jetën në spital. Por, më pas konfirmoi se ka pësuar vdekje klinike dhe është nisur me helikopter drejt Tiranës.
Autorët dyshohet se kanë qëlluar nga një automjet dhe më pas janë larguar me shpejtësi nga vendi i ngjarjes. Një makinë tip “Volvo” është gjetur e djegur te vendi i njohur si “Metalurgjiku“, që dyshohet të jetë përdorur nga autorët, të cilët janë ende në arrati. Një operacion kërkimi ka nisur nga policia për kapjen e autorëve dhe një grup hetimor është ngritur për zbardhjen e ngjarjes.
E kaluara e viktimave
Lulzim Bitri dhe Ardian Subashi janë me precedentë penalë.
Lulzim Bitri rezulton i arrestuar në vitin 2018 në Tetovë të Maqedonisë së Veriut. Ai është akuzuar si person i përfshirë në vrasjen e një personi dhe plagosjen e disa të tjerëve. Ngjarja, sipas raportimeve mediatike të asokohe, erdhi në vazhdën e përplasjes së dy grupeve kriminale.
Ndërkohë, Ardian Subashi (Çollaku), baba i dy fëmijëve, u arrestua në vitin 2015, pasi ishte i shpallur në kërkim ndërkombëtar. Në atë kohe, ai u arrestua me qëllim ekstradimi ne Itali, pasi Gjykata e Modenas, e kishte dënuar me 23 vjet e 3 muaj e 17 ditë burgim për veprat penale te “Shfrytëzimit të prostitucionit” dhe “Prodhimit dhe mbajtjes pa leje e armeve luftarake dhe e municionit”.
Dyshimet
Nisur dhe nga e kaluara e viktimave, dyshimet e grupit hetimor janë se kemi të bëjmë me një atentat të mirëfilltë, në kuadrin e larjes së hesapeve mes grupeve kriminale.
Lexo edhe:
FOTO/ I dënuar për vrasjen në Tetovë, kush është viktima e atentatit të ndodhur në Elbasan
