Zv/kryeministri Arben Ahmetaj, tha sot se ekonomia është rritur me 18% në tremujorin e dytë dhe sipas tij kjo shënon rritjen më të lartë në rajon. Por, nënkryetari dhe deputeti i LSI-së, Petrit Vasili, thotë se kjo rritje është fiks si shitja e sapunit për djathë.
Po ashtu Vasili nënvizon përmes një postimi në rrjetin social facebook, se shqiptarët janë dëshpërimisht më të varfër, dhe se qeveria nuk mbron dot as çmimin e bukës që vijon të rritet.
”As rritje reale dhe as të ardhura më shumë në xhepin e shqiptarëve pra zero efekt mbi hallet kritike me të cilat përballet familja shqiptare. Kjo propagandë synon vetëm që shqiptarët të hanë sapunin për djathë. Ekonomia reale është në gjendje katastrofike”,-shkruan ndër të tjera Vasili.
Postimi i plotë
Përrallat imorale me rritje ekonomike 18%, ose shitja e sapunit për djathë! Qeveria lëshoi sot si përherë shashkën propagandistike të radhës, pra rritjen ekonomike medemek 18%. Për ekspertët e ekonomisë ishte shumë e lehtë për ta çmontuar një përrallë të tillë. Edhe qytetari i zakonshëm llogaritë i bën vetë dhe shumë kollaj bile.
Rënia me afersisht 12% per shkak te mbylljes nga Covid, dhjetëra milion euro te shpenzuara per kurim nga qytetaret, parate e rindertimit , borxhi prej 1.3 miliard euro i marre nga qeveria shtojme ketu edhe ndertimet ku lloj lloj parash qe vijne erë futen ne to, te gjitha se bashku tregojne qe s’behet fjale per rritje ekonomike reale dhe kjo eshte propagande e paster dhe asgje me shume se kaq.
Realisht pra s’ka ndodhur asgje thjesht propagande imorale. As rritje reale dhe as te ardhura me shume ne xhepin e shqiptareve pra zero efekt mbi hallet kritike me te cilat perballet familja shqiptare. Kjo propagande synon vetem qe shqiptaret te hane sapunin per djathe. Ekonomia reale eshte ne gjendje katastrofike.
Shqiptaret jane deshperimisht me te varfer. As çmimin e bukes, te bukes se gojes pra, kjo qeveri nuk jua mbron dot dhe cmimi vecse rritet. Edhe kafen te vetmen gje kaq modeste, qe u ka mbetur shqiptareve jua shtrenjtuan. Ne kohe pandemie shqiptaret kane shpenzuar mbi 150 milion euro ndersa qeveria rimburson 250 mije euro, kjo eshte e verteta.
Mijëra familje, qe edhe ne kete moment perballen me pandemine, vazhdojne te shpenzojne qindra milion leke ne luften per jeten dhe shendetin. 18% rritje ishte vetem propagande imorale, qe kerkon te shese sapunin per djathe.
