“Jemi policë”, grabitet një banesë në Malësinë e Madhe. Policia dhe familjarët japin versione të ndryshme për ngjarjen

Një grabitje ka ndodhur në Malësinë e Madhe, në fshatin Boris. Sipas informacioneve pre e grabitjes ka rënë familja e Ndoc Ulaj.

Nga informacionet e para bëhej me dije se nën kërcënimin e amrës, autorët e grabitjes i kishin marrë familjarëve të Ndoc Ulaj një shumë parash afër 2 milionë Lekë.

Duke iu referuar burimeve nga policia, kjo e fundit deklaron se autorët nuk kanë qenë as të armatosur dhe as të maskuar.

Ndërsa nga ana tjetër bashkëshortja e Ndoc Ulajt shprehet se gjithçka ishte një grabitje me armë. Ajo është shprehur jashtë kamerave se dy persona kanë hyre natën në shtëpi, fillimisht ata kanë shkuar në dhomat e fëmijëve dhe kanë marrë telefonat dhe më pas u kanë drejtuar armën.

LEXO EDHE  Sasi e lartë bakteriale në ujin e Krujës/ Çfarë zbuluan analizat

Fëmijët mësohet të kenë thënë “mos i bëni gjë babait“, por grabitësit janë përgjigjur duke thënë se ishin policë.

Grabitësit nën kërcënimin e armës kanë arritur të marrin një shumë parash dhe telefonat e fëmijëve e më pas janë larguar në këmbë. Lidhur me këtë ngjarje kanë nisur hetimet për të sqaruar të gjitha rrethanat e saj./tvklan.al