Kreu i degës së PD në Fier, deputeti Luan Baçi, u shpreh sot se lëvizja e ndërmarrë nga ish-Kryeministri Sali Berisha në takimet me anëtarësinë nuk sjell përçarjen e demokratëve.
Sipas tij, “Foltorja” sjell një bashkim të munguar mes demokratëve.
“Nuk e shoh si një lëvizje që sjell pasoja përçarëse tek elektorati. Masakra zgjedhore e Ramës duhet të trajtohet me përparësi por edhe problemet tona sado të vogla duhet të trajtohen për tu zgjidhur.
Shoh që kjo lëvizje i bën mirë njerëzve me influencë që janë aktivizuar nga ky takim por që gjatë viteve të opozitës nuk janë afruar apo nuk kanë qënë aktivë.
Jo një lëvizje që sjell përçarje por jemi për një hapje, për bashkim me të gjitha aktorët demokratë dhe njerëzve që gëzojnë reputacion.
Mendoj se çdo e keqe e ka një të mirë”, tha Baçi për Syri Tv.
Duke komentuar vendimin për përjashtimin e Berishës, Baçi tha se është një vendim i dëtyruar por jo një vendim që përjashton doktor Berishën nga historia, por ndryshe ai bashkon të gjithë demokratët.
“Ky ka qënë një vendim personal i kryetarit të PD duke marë kosto dhe duke lënë pa kosto strukturat.
Antarësia e PD është e kthellët dhe e qartë që duhet të jemi të bashkuar për të arritur fitoren në zgjedhjet e ardhshme.
Kur kjo lëvizje kur vjen nga doktori dhe dihet se Sali Beriësha është Sali Berisha i cili ka influencë jo vetëm te demokratët por te të gjithë njerëzit, kjo do të thotë që ka bashkim.
Ky vendim do të përballohet nga PD nëse do jemi të gjithë bashkë kundër klikës së hajdutëve që ka kapur shtetin”, tha ai.
