Kryetari i Partisë Demokratike, Lulzim Basha, ka mbledhur në mesditë kryesinë e grupit parlamentar.
Refereuar raportimeve mediatike, priten diskutime edhe në lidhje me zhvillimet e brendshme në Partinë Demokratike, përfshirë dhe çështjen “Berisha”.
Më herët, edhe Partia Socialiste mblodhi kryesinë e Grupit Parlamentar, për të diskutuar lidhur me shtyrjen e afateve të Vettingut, për të cilat kërkohet ndërhyrje në Kushtetutë. Mazhoranca nuk i ka e vetme votat e mjaftueshme në Kuvend (77 nga 92 që i duhen), për këtë arsye është e nevojshme bashkëpunimi me opozitën.
Rama, në seancën e fundit ku u votua programi politik dhe qeveria e re, i shtriu sërish dorën opozitës, megjithatë theksoi se në rast se nuk do të kenë gatishmërinë e tyre, për Reformat e rëndësishme si ajo Zgjedhore apo Kushtetuese, “do e bëjnë me popullin”.
