Aksident fatal, humb jetën i riu shqiptar (Foto)

Një aksident i rëndë raportohet të ketë ndodhur në orët e para të mëngjesit të sotëm në Greqi.

Sipas mediave greke, dy të rinj të cilët udhëtonin me motor në ishullin e Kretës, u përplasën me një shtyllë të dritave në anë të rrugës, e si pasojë humbën jetën.

Raportohet se viktimat janë një 21-vjeçar shqiptar i cili ndërroi jetë menjëherë në vendngjarje dhe një 17-vjeçar grek.

LEXO EDHE  “Në fushë, populli është përpara politikës”/ Kryeministri Kurti ndjek ndeshjen e basketbollit në Shkodër!

Shqiptari, identiteti i të cilit nuk është bërë i ditur, mbërriti i pajetë në spital. Ndërsa 17-vjeçari vdiq pak minuta pasi ishte transportuar me urgjencë në spital.

Fotot e publikuara janë nga vendi i ngjarjes, ku shihet motori i përplasur dhe dy të rinjtë e shtrirë në tokë. Po punohet për zbardhjen e identiteteve të viktimave dhe shkaqeve që çuan në këtë aksident tragjik.