Pse iniciativa e Berishës për rikthimin e legjitimitetit në PD është e vonuar në kohë dhe aspak parimore

Nga Enri Çeno, anëtar i këshillit kombëtar të PD

Pse mendoj që iniciativa e Sali Berishës për rikthimin e legjitimitetit në PD është e vonuar në kohë dhe aspak parimore.

Është e vërtetë që kryetari Basha ka shkelur statutin me vendimin e përjashtimit të Sali Berishës nga grupi parlamentar i PD-së, kjo e drejtë i takon vetë grupit të vendosë me votë. Siç është e vërtetë që statuti është shkelur e përdhosur me dhjetra herë në 8 vitet e fundit por Sali Berisha kurrë nuk e ngriti si një problem akut që mund të shkaktonte vdekjen e legjitimitetit.

Është e vërtetë që marrëdhëniet PD-SHBA duhet të jenë primare e parimore por thyerja dhe çarja e këtyre marrëdhënieve erdhi kur ne demokratët firmosëm lëshimin e mandateve, Berisha firmosi i pari, Basha ndoqi e në fund të gjithë ne tjerët e unë isha njëri nga këta tjerët, patshkas kjo është e gjitha përgjegjësi e vendimmarrjes së kryetarit Basha.

Në këto 8 vite, të gjithë bashkëpuntorët më të ngushtë të Sali Berishës ndër vite e bashkë me to shumë demokratë të rinjë e të zotë u ekzekutuan e i’u prenë kokat në format më jakobine të mundshme nga Lulzim Basha por Sali Berisha nuk foli, nuk tërhoqi vëmendjen e mbi të gjitha nuk pa të binte legjitimiteti i partisë në vendimmarrje.

LEXO EDHE  Erdogan njofton takimin me Ramën në rrjet

Legjitimiteti i PD-së nuk mund të lidhet në mënyrë ekskluzive vetëm me qënien e Sali Berishës por me rregulla parimore të zbatueshme që e shndërrojnë PD-në në një parti djathtë e moderne.

Sali Berisha para se të nisë turin e takimeve për rikthimin e legjitimitetit të PD-së duhet më parë tu kërkojë ndjesë  çdo demokrati e Shqiptari që heshti e nuk veproi atëherë kur ai vërtetë kishte fuqi ta bënte, kur PD-ja humbiste zgjedhjet apo toga e pushkatarëve të kryetarit ekzekutonte këdo mendonte ndryshe, thjesht një mea culpa apo apologji në këtë çast nuk do mjaftonte.