Kërkoi informacione për ministrat e kabinetit “Rama 3”, Prokuroria i kthen përgjigje Presidentit

Më pak se 24 orë, pasi presidenti Ilir Meta i kërkoi informacione për anëtarët e kabinetit qeveritar, Prokuroria e Përgjithshme i kthen përgjigje Presidentit të Republikës.

Sipas Prokurorisë së Përgjithshme, për asnjë nga 16 ministrat e propozuar nga Rama nuk ka të regjistruar ndonjë hetim penal nga prokuroritë e vendit.

Presidenti Ilir Meta i ka kërkuar dje Prokurorisë informacione në lidhje me 16 emrat e propozuar nga kryeministri Edi Rama si ministra. Në shkresën drejtuar Prokurorisë thuhej se, Presidenti Meta, kërkon të informohet mbi të dhëna apo informacione për çdo kandidat të propozuar, lidhur me procese hetimore apo penale që janë nisur ndaj tyre.

LEXO EDHE  Akuza e Manjanit: Sa herë flet Kim, keni Ramën nga pas