Kryetari i Këshillit Kombëtar në PD, deputeti Edi Paloka, përkujtoi sot Azem Hajdarin. Sipas tij, Sali Berisha dhe Azem Hajdari janë pjesa më e mirë e historisë.
“23 vite më parë ne humbëm Azem Hajdarin në një pusi të ngritur nga bandat e pushtetit!
Humbëm një nga luftëtarët e vërtetë për liri dhe të drejta, mbase të papërsëritshëm në llojin e tij!
Azemi është një pjesë thelbësore e historisë së PD dhe pluralizmit në Shqipëri. Azemi është shembulli më i qartë se liria dhe të drejtat fitohen në beteja ballë për ballë, në beteja të forta e të vështira, që mund të kërkojnë dhe sakrifica sublime, por pa të cilat është e pamundur të fitohet.
Azem Hajdari dhe Sali Berisha janë pjesa më e mirë e historisë sonë, të historisë së shqiptarëve gjatë këtyre 30 viteve pluralizëm!
Nderimi i kësaj historie nuk është thjeshtë detyrim moral i yni, por detyrim ndaj vlerave dhe bazamentit të parimeve mbi të cilin duhet të ngrihet dhe e ardhmja e këtij vendi!
Respekt e nderim!”, shkruan Paloka.
