Vrasja në Fier, kush është autori që ekzekutoi ish-bashkëshorten

Elton Metaj, 31-vjeç (personi në foto) u arrestua orët e pata të kësaj të Diel, pasi mbrëmjen e djeshme qëlloi me armë zjarri ish-bashkëshortoren Sabrina Bengaj duke e lënë të vdekur.

Elton Metaj

Ngjarja ndodhi në banesën e ish-vjehrrit të autorit, ku jetonte pas ndarjes ish-bashkëshortja, nënë e një vajze të mitur.

“Pas marrjes së njoftimit se në fshatin Zhupan, në banesën e ish-vjehrrit, shtetasi Elton Metaj ka vrarë me armë zjarri ish-bashkëshorten e tij, menjëherë në vendngjarje shkuan shërbimet e Policisë dhe organizuan punën për kapjen e autorit i cili ishte larguar nga vendngjarja me një motomjet. Pas 3 orësh ndjekje, nga strukturat e DVP Fier, Forca Operacionale, Forca e Posacme ‘Shqiponja’, shërbimet e Komisariatit të Policisë Fier në bashkëpunim dhe me 2 grupe të FNSH Fier, u bë i mundur lokalizimi dhe kapja e autorit në një zonë të pyllëzuar të fshatit Peshtan, bashkë me armën e krimit automatik dhe motomjetin me të cilin u largua nga vendngjarja të cilat u sekuestrua në cilësinë e provës materiale”, njoftoi policia.

LEXO EDHE  E rëndë/ I vuri zjarrin tokës, humb jetën nga asfiksia 59-vjeçari në Kavajë

Ndaj autorit rëndon akuza për veprën penale “Vrasja për shkak të marrëdhënieve familjare”.

I riu nga fshati Peshtan ka qenë i dënuar më parë për veprat penale “Armëmbajtja pa leje”, “Kundërshtim i punonjësit të policisë” dhe “Dhunë në familje”.

Viktima