Shtatzënë për herë të parë, partnerja e Shpat Kasapit zbulon detaje rreth pritjes së ëmbël

Marrë nga "Instagram"

Partnerja e këngëtarit Shpat Kasapi, Selvije Jao, ka zbuluar se është në javën e parë të muajit të pestë të shtatzënisë. Ajo ka realizuar një bisedë virtuale me ndjekësit e saj, ku u është përgjigjur të gjitha pyetjeve në “Instastory”.

E pyetur për gjininë e foshnjës, Jao tha: “S’ka rëndësi për mua, si djalë, si vajzë. E lus Zotin të shkojë mirë shtatzënia deri në fund e uroj të ketë shëndet”.

Ishte Shpat Kasapi ai që zbuloi në ditën e lindjes së Selvijes se partnerja e tij së shpejti do të sjellë në jetë një fëmijë. Ai publikoi një foto me bashkëshorten krahas së cilës shkroi:

LEXO EDHE  Publikohet momenti i arrestimit të burrit të Angela Martinit (Video)

“Gëzuar ditëlindjen gruaja ime, që do të bëhet nënë së shpejti. Dashuria jote më ka kthyer në këtë njeri të lumtur, gjithmonë njeri të qeshur që jam sot, të jam mirënjohës përgjithmonë!

E sidomos tani që po presim një engjëll! Shumë i detyruar ndaj teje për gjithçka, pa ty nuk jam asgjë! Të paça gjithmonë dashuri. Të dua shumë!”.