Një ditë para mbledhjes së Kuvendit të ri, seancë e cila do të drejtohet nga deputetja më e vjetër, por e futur rishtazi në politikë, Luljeta Bozo, kryetari i Shoqatës Antikomuniste të të Përndjekurve Politikë te Shqipërisë, Nebil Çika, ka shpërthyer në akuza ndaj saj duke e cilësuar një pinjolle të komunizimit.
Çika risolli në vëmendje edhe deklaratën e saj pak muaj, që u cilësua si glorifikim i komunizmit.
“Nesër parlamentin do ta hapë një pinjolle e drejtëpëdrejtë e familjeve të diktaturës komuniste nga të dyja anët nga vetë dhe burri. Vetëm para 3 muajsh ajo deklaronte në media se Enver Hoxha, kryexhelati i Shqipërisë është një burrë i mirë. Ju kërkoj përfaqësuesve tanë në parlament ti konsiderojnë ata jo si një parti rivale por si pasardhës të papenduar madje dhe pjesë të atyre që përgjaken Shqipërinë për 45 vjet dhe vazhdojnë ta përgjakin me metoda të ndryshme dhe sot”, tha ai.
Deklaratën ai e bëri nga Shkodra në ceremoninë përkujtimore për 75-vjetorin e kryengritjes së Postribës.
Ai u shpreh se nëse martirët antikomunistë nuk vlerësohen dhe ata që kryen krime nuk ndëshkohen, Shqipëria nuk do të ketë paqe.
Çika tha ndër të tjera se burrat dhe gratë e Postribës dhe të tjerët në gjithë Shqipërinë që sakrifikuan jetën dhe familjet e tyre për të mbrojtur lirinë tonë kombëtare dhe shoqërore meritojnë të jenë në altarin tonë të historisë kombëtare.
DENONCO