Inxhinierët në vend kanë dalë ditën e sotme në një protestë kundër projektligjit të propozuar nga mazhoranca për Urdhrin e Inxhinierit dhe e kanë quajtur antikushtetues.
Ka qenë deputetja e PS-së, Luljeta Bozo ajo ka propozuar këtë projekt ligj që kërkon ngritjen e Urdhrit të Inxhinierit, siç është ai i Farmacistëve dhe Stomatologëve.
Sipas projekt-ligjit, pas një viti të gjithë inxhinierëve aktualë u bie licenca dhe duhet të rilicencohen tek Urdhri i Inxhinierëve.
Ndërkohë, në mbështetje të protestuesve ka dalë sot dhe deputeti i PD, Lefter Gështenja, i cili tha se opozita është e vendosur për ta rrëzuar këtë projekt-ligj në Kuvend.
“Me këtë projekt ligj kërkohet ët kapet një ndër institucionet më të rëndësishme, licencimi inxhinierëve të ndërtimit një nga fushat prioritare të ekonomisë. Ky nuk është projekt-ligj për Urdhrin e inxhinierëve, por koncesion i pastër që i jepet një grupi njerëzit për të licencuar personat juridikë apo fizikë”, tha Gështenja.
