Nga Sinovac te Pfizer, sa kushton plani i vaksinimit të shqiptarëve?

Open Data Albania ka nisur një hulumtim në lidhje me blerjen e vaksinave anti-Covid nga qeveria shqiptare.

Përmes një njoftimi publik Open Data Albania bën me dije se po analizohen të gjitha të dhënat nga kryeministria në lidhje me planin e vaksinimit, ku përfshihet numri i dozave të mbërritura në Shqipëri dhe shpenzimet e bëra për sigurimin e tyre.

Pritet përfundimi i ekspertizës për të dhënë një tablo më të qartë të shpenzimeve qeveritare për planin e vaksinimit dhe sa ka kushtuar mesatarisht një dozë e secilës vaksinë të mbërritur në Shqipëri.

Njoftimi i plotë:

Open Data Albania po hulumton lidhur me vaksinimin Anti Covid 19 në Shqipëri: mbi planifikim; numër doza të kontraktuara ; doza të administruara dhe aplikuara.

Po njësoj analiza zbardh edhe Shpenzime Shtetërore për blerje me kontraktim. Informacioni për këtë artikull u referohet njoftimeve zyrtare të Kryeministrisë; Ministrisë së Shëndetësisë dhe Ministrisë së Financave dhe Ekonomisë. Për të arritur një evidencë mbi shpenzime për kontraktime, ekipi analist pranë Open Data Albania, ka hulumtuar me kujdes dokumente shtetërore të planifikim, alokim, amendim dhe relacione mbi shpenzime dhe konsolidime financiare. Këto dokumenta janë listuar në pasaportat e Kontraktimit tek Open Procurement Albania.

LEXO EDHE  Krimi që tronditi Divjakën, familja Rrasa në kushte ekstreme të varfërisë, apeli i djalit

Për të menaxhuar gjithë procesin e vaksinimit anti Covid, Qeveria ka miratuar një Plan Kombëtar Vaksinimi. Sipas planit për vaksinim me dy doza të popullsisë së rritur, duhen administruar total 4.4 milion Vaksina.

Në Shqipëri janë administruar katër lloj vaksinash deri tani për të parandaluar sëmundjen COVID- 19: BioNTech Pfizer me dy kontrata janar 2021 dhe Qershor 2021 ; CoronaVac ; AstraZeneca dhe Sputnik V.

Një sasi prej 200 mijë dozash është arritur përmes donacioneve nga BE dhe shtete mike me Shqipërinë. Kanë mbërritur deri 1 shtator në vend 1 921 957 (një milion e nëntëqind e njëzet e një mijë e nëntëqind e pesëdhjetë e shtatë) doza. Nga të cilat 1 000 000 një milion janë Sinovac-CoronaVac ; 551 000 (pesëqind e pesëdhjetë e një mijë e nëntëqind e pesëdhjetë e shtatë) janë BionTech Pfizer ; 320 000 (treqind e njëzet mijë janë) AstraZeneca dhe 50 000 (pesëdhjetë mijë) janë Sputnik V.