Një grup shqiptarësh në Bazel të Zvicrës po protestojnë këtë të diel kundër qeverisë shqiptare.
Me pankarta dhe postera të shumta, shqiptarët atje kanë dalë në një nga rrugët e këtij kantoni zviceran, duke marshuar nën thirrjet “Rama në burg, Berisha në burg”.
Protesta kundër Edi Ramës, është përshkallëzuar dhe ka kaluar kufijtë shqiptarë.
Përpos protestave massive në vendin tonë, mijëra protestues shqiptarë të diapsorës në vende të ndryshme të botës, kanë dalë në protestë për të kërkuar largimin e Ramës dhe kastës së vjetër politike.
Ata shprehen se revolta nuk do të ndalet deri në dorëheqjen e panegociueshme të Edi Ramës.
