Kaosi në sfidën Brazil-Argjentinë, vjen reagimi i Lionel Messi-t

Foto nga The New York Times

Një kaos i paprecedent ka shpërthyer në ndeshjen mes Brazilit dhe Argjentinës, kur autoritetet shëndetësore vendase kanë urdhëruar që të ndërpritet menjëherë ndeshja.

4 lojtarë të Argjentinës që luajnë në Premier Ligën kanë qenë titullarë kundër Brazilit dhe pas vetëm gjashtë minutave lojë, personeli shëndetësorë me policinë kanë ndërprerë takimin.

Kjo ndodhi për arsye të rregullave të Premier Ligës që ndalojnë lojtarët të udhëtojnë në Amerikën Jugore pa qëndruar 14 ditë në karantinë.

LEXO EDHE  Ajax i pamëshirshëm, poshtëron 9-0 rivalët në kampionat

Pasi u ndërpre ndeshja, ka reaguar edhe ylli i PSG-së, Lionel Mesi, që e ka quajtur cirk këtë problem.

“Ata mund të na ndalonin para tre ditëve kur arritëm. Pse tani duhet të prisnin derisa të nis ndeshja? Kjo është çmenduri. Është cirk”, u dëgjua duke thënë argjentinasi në një televizion.