Racizmi në ndeshjen Hungari-Angli, FIFA nis hetimet. Ja si mund të përfitojë Shqipëria

Foto nga BBC.com

FIFA ka nisur një procedim disiplinor në lidhje me thirrjet raciste që kishin në shënjestër lojtarët e Anglisë gjatë ndeshjes në Hungari, të vlefshme për eliminatoret e Kupës së Botës.

Raheem Sterling dhe Jude Bellingham ishin dy lojtarët që u ofenduan në kor nga tifozët hungarezë.

Lojtarët e Anglisë gjithashtu u qëlluan me sende të forta dhe në pjesën e dytë një flakadan u hodh në tapetin e gjelbër të “Puskas Arena”.

Kombëtarja angleze reagoi menjëherë për këto ngjarje të shëmtuara duke i cilësuar ato të papranueshme.

LEXO EDHE  Salihamidzic i mbyll dyert lojtarit të Chelsea-t: Jemi të mbuluar, lëreni trajnerin të flasë…

Hungaria rrezikon një gjobë të majmë për këto ngjarje që nuk ndodhin për herë të parë në ndeshjet e përfaqësueses së saj dhe mund të shoqërohet edhe me mbylljen e stadiumit për sfidat e përfaqësueses në vijim. Nga kjo mund të përfitojë Shqipëria, e cila muajin e ardhshëm do të luajë në Hungari ndeshjen e dytë ndaj ekipit me të cilin përballet këtë të diel në kualifikueset e Botërorit.